برغم الليل
....
انا اللى ف قلبى قرآنك
وجوه عيونى انجيلك
برغم الليل واحزانك
ورغم الخوف باغنيلك
ورغم اللى جرى منك
ورغم اللى جرى فيكى
انا يا حبيبتى بادعيلك
...
عشقت غيطانك الخضرا
وحبيتك ما خليتشى
ياست الحسن يا سمره
انا بوعدك ما خلتشى
يا ضحكه ضحكتها ليكى
يا فرحه فرحتها بيكى
يا غنوة حب غنتها
انا عاشق هوا نيلك
...
عرفتك امى وحبيبتى
واسمك هو عنوانى
يا ناسى وعشرتى وجيرتى
انا شايلك ف وجدانى
وانتى ع المدى باقيه
بنعطش ضحكتك ساقيه
فروضى الخمسه صليتها
سحرنى صوت تراتيلك
.....
شعر : ناصر رشوان
ليست هناك تعليقات:
إرسال تعليق